Algun mayor a acerca cabesante y docente di St. Aloysius School riba un noticia cu ta bisa cu e scol mester ta bek den edificio na Noord dia 1 di october. Esey kiermen nan mester sali fo’i e edificio VAT, cual nan ta eynan pa casi tres aña caba.
E noticia aki a sorprende Vladimir de Cuba, cabesante di St. Aloysius school, pasobra nan no tabata tin conocemento di e carta aki. El a tuma contacto cu directiva di scol y aki nan a confirm’e di un carta cu e informacion ey. Nan ta den proceso pa mira kico por bay haci pa evita cu e cos aki tuma luga.
Segun e cabesante, no tin nada concreto determina. Di a trece e noticia aki dilanti, ta trece hopi preocupacion y confusion innecesario bou di e mayornan. Ta sinti malo cu e scol ta pasa di edificio pa edificio, sin cu por keda cla cu renobacion di nan mesun edificio.
Pa mas informacion registra na www.trempan.com.
