Diasabra marduga net prome cu 2:00 am a drenta informaciom cu tin un pelea di pareha. E homber lo ta batiendo e señora den un cas na Madiki. Ora cu polis a yega diripente un señora a core sali pidi auxilio riba caya. El a splica polis un cu e otro.
E polisnan a bay cu cautela cu man poni riba nan arma di candela. A topa e homber den cura. A bis’e hisa su man. Asina a logra acerc’e y puntr’e riba su problema. Polis no kier a deten’e mesora.
A purba intermedia prome pa asina e homber bandona cas. E homber cu un tono fuerte a bisa polis: “Ta ami ta paga e t…. aki”. Polis a sigui papia cu ne pero mirando cu e lo no bandona e sitio pa e marduga sigui trankil, a dicidi di bay over na detencion.
A mira cu e homber su man tabata na sanger. E tabata mustra cu el a herida su mes un caminda. E dama a papia cu polis basta rato. Parce cu no ta prome biaha cu e homber y e señora tin problema te cu polis mester brinda asistencia. Asina mes nan ta sigui hunto. E señora mes tabata trip cu e homber. Djey ora yega cas e cos a daña te cu polis a cay aden.
