Diabierna anochi manece diasabra alrededor 12:20 am a sosode un pelea na altura di e crusad’i Avenida Alo Tromp cu Emmastraat. Aki ta caminda cu un grup’i persona a hala otro na conopi formalmente. Pelea sin machete no ta un pelea, segun un di e bringadonan. Ta p’e motibo ey mes, un di nan a haya basta sla na cabes y cara.
Polis a detene un solo persona, di cual e tabata herida tambe. A hinc’e den e transporte policial y a transport’e pa warda di polis na Playa. Na warda, ambulance tabata pendiente pa yegada di e victima deteni aki.
E tabata sangra hopi, a sac’e for di e transport’e policial y pas’e over pa e paramediconan. Cu boei na man a transporta e homber deteni pa hospital, caminda e lo ricibi atencion medico avansa.
