Varios usuario a comenta riba medionan social cu coriente a bay den nan bario, entre otro Paradera. Riba e pagina di Facebook di NV Elmar por a tuma nota di un publicacion cu ta bisa pa e areanan di Cumana, Rooi Afo y Pavia pa nan tuma nota di e interupcion di coriente.
E post ta sigui bisa cu tin tecniconan cu a bay na e sitio pa atende cu esaki y alabes ta pidi disculpa pa cualkier inconveniencia cu e interupcion di coriente aki por a causa.
Riba e publicacion aki no ta indica kico por ta e causa real di e interupcion di coriente, si ta trata aki di un corto circuito den nan sistema of algo otro.
Nos lo keda pendiente pa cualkier informacion cu NV Elmar por bin cu ne referente na esaki.
