Diasabra atardi un team di mas of menos binticinco polis a tene un control di trafico riba Green Corridor. Ta e polisnan di districto di Sta. Cruz, a reparti varios multa y a hasta confisca auto. Hopi di e automobilistanan no tabata na altura di e control. For di e bahada na Mahuma, un polis scondi tabata midi e velocidad y un poco mas prome cu rotonde Drive-in e otro polisnan ta para e auto.
E velocidad maximo permisibel ta 80 kilometer pa ora, asina mes tin cu a pasa 100 y te hasta 125 kilometer pa ora. Sigur por mira bek riba un control fructifero pa e team di polis aki. No ta ey so tabatin control, na Playa y Noord e polisnan tabata druk bezig cu control di trafico.
