Un pareha riba brommer a huy pa Polis den Palm Beach. Na final e homber no a yega leu pasobra polis a gare den Turibana. El a laga e amiga den mondi somewhere patras di MFA Noord.
Prome biaha banda di Palm Beach na lus di trafico a logra huy. A perde for di bista. Tabata tin basta polis riba caya. Den e area di Caribbean Palm Village a topa cune atrobe. Ambos sin helm riba cabes. A cuminsa persecusion atrobe. El a logra drenta via Centro di Barrio patras di MFA. A perde atrobe pero di otro banda otro unidad di polis tabata pendiente pe.
El a laga e ocupante femenino un caminda y a bin bek pero ambos banda polis tabata tey. E unidad motoriza cu quadracer a yega tambe. Eynan su careda a caba pasobra aunke a purba huy a yega net poco pariba di Willys Pool.
A mande plat na tera y pone na boei. E brommer no tin papel y ta mas bien un trampa. A confisca e brommer y cu transporte policial a hiba e sospechoso warda. A dune un bon scual na momento di su detencion.
