Tur e unidadnan di Grupo Scout St. Paulus Michael a tene nan Campamento Vacacional. E unidad di Bevers a bishita Butterfly Farm, unda nan a haya un splicacion amplio di e bida y formacion di e vlinder for di cuminsamento te na final.
Nan a haya un dushi treat saludabel na Subway. E Beversnan, a haya nan rabo di nan crecemento personal y na Cinema nan a disfruta di e pelicula di Cars 3. E unidad di Welp a participa na un Speurtocht Nacional y Paseo Monumental. E unidad di Troep y Afdeling a tene un Campamento, Hike riba Liniar Park, a bai riba Tarzan Boat, Lunch na Taco Bell, Bowl na Dreambowling, hunga den Gameroom y landa na Community Pool San Nicolas. Un danki ta bai na e mayornan, lidernan di Grupo Scout St. Paulus Michael y Scouting Aruba cu a haci esaki posibel. Tur unidad di Grupo Scout St. Paulus Michael lo habri bek cu nan encuentronan semanal despues di vacantie grandi. Pa mas informacion por contact nos na: 593-5797 of follow nos riba Facebook: Grupo Scout St. Paulus Michael.
