Diasabra anochi pa algo prome cu 10or di anochi, na haltura di Time Keeper na Renaissance Suite a presenta un persona herida. Tabata tin un pelea banda di Wilhelmina Park. Eynan un hoben di 17 aña a wordo hinca cu un arma blanco. Polis a presenta di biaha na e sitio di e sucedido . A pidi ambulance pa e victima. A stabilisa e victima di biaha diferente unidad di polis a cuminsa busca e sospechosonan a base di descripcion cu a wordo duna. Hasta a menciona nomber di un hoben di inicial J.H. Den menos di diez minuut e tres sospechosonan a wordo gara den area di Playa . A core tras di e dos sospechosonan prome cu a wordo gara patras di warda di Playa den Steenweg. E otro a wordo gara den Rancho. E prome dosnan a wordo treci warda na pia mes. E otro cu dogcatcher a bay buske. A confisca varios arma blanco. E armanan aki parce ta esnan usa pa herida e victima di 17 aña durante pelea.
