WEB Aruba NV a informa awe cu e situacion di Coronavirus a conduci na un brote pisa den nan compania, entre trahadonan. Awe 11 di september tin 27 trahado di WEB contagia y 23 contratista cu ta traha eyden cu tambe ta contagia. Na tur ta 50 persona cu awe ta contagia y ta stroba e operacion normal di e compania productor y distribuido di awa y coriente.
WEB Aruba NV ta haciendo tur posibel pa contene e brote aki awo, pa evita mas contagio. Den e boletin # 40, WEB ta papia di “E resultado di no cuida y di no cumpli cu higiena y distancia”. Mas leu nan ta subraya cu si e scenario aki sigui, cu lo no tin suficiente trahado pa garantisa operacion normal. Esaki lo afecta suministro di awa y coriente pa henter nos isla.
