Chauffeur di un Nissan March shinishi a pasa den susto formal ora un pickup lo a cer’e riba caminda y pone baha caminda y cay den greppel.
Esaki a tuma luga den careda di 12:30 pm riba caminda di Tamarijn pa Bloemond na Paradera. Segun testigo na sitio, nan a mira un pickup cera e auto y pa evita un choke, e dama chauffeur a purba maniobra y baha caminda na su man robes.
A trece e auto bek riba caminda pero pa un motibo of otro a perde control y baha na su man drechi y cay den e greppel cu tin eynan. Den auto tabatin un mucha cu tambe a spanta formalmente. Afortunadamente ningun hende a resulta herida.
Polis a tuma tur dato mientras e bisiñanan di e bario a bin inspecciona cu tur cos ta bon cu esnan envolvi.
