Diaranson mainta a tuma luga un reunion entre sindicato ABV, hospital y minister di salud Dangui Oduber. Aki ta caminda e sindicato a trece varios preocupacion dilanti como tambe a discuti riba nan CAO.
Segun Gina Maduro, presidente di e sindicato, nan a haya un solo mandato di su miembronan dialuna. Esey ta mantene tur hende na pia di trabao, esta no manda ningun hende cas. Loke tambe e miembronan a pidi ta garantisa salario 100% y no 100% plus. El a sigui splica cu nan ta bezig cu un CAO y tin cu forma un protocol pa 2022.
Tambe tin cu mantene vakantieuitkering 100%. Maduro a menciona cu nan a entrega varios beneficio. Pero a vries e pensioenpremie pa 2021. Pero no por keda vries esaki pa largo pasobra esey ta bay cu consecuencia.
Pa 2022 tin cu recupera loke a vries den 2021. Pasobra e ta ‘werkgeverspremie y werknemerspremie’. Loke a vries den 2021, lo reanuda den 2022. Y loke mester pasa den 2022 lo ta reanuda den 2023. Ta duna tur di nan parti y ta compronde e situacion. Ta trahando keto bay, pero esey t’e mandato cu ABV a haya di su miembronan. No lo tin aumento di salario pa loke ta 2022.
E bonus di Pasco cual ta 900 garantisa y 200 a base di prestacion, cual tur trahado den hospital ta duna extra di su parti. Esey ta nada compara cu otro compania cu tin beneficio secundario mas lucrativo. Cada instancia ta diferente, cada ken tin nan situacion, pero esey ta loke cu ABV ta para p’e. Tur hende na pia di trabao, protocol pa un aña, vakantieuitkering 100% y e otro beneficionan cu nan a entrega y e bonus di Pasco 100%. Tur hende ta traha y na hospital e trahadonan ta traha incansablemente.
Pa cobertura mas amplio lesa edicion di TREMPAN mañan.
