Den e ultimo temponan por a tuma nota cu Erasmus+ ta trahando hopi cu p.e. Colegio Arubano y tambe E.P.I. y tambe e scolnan di S.K.O.A. Pero por a ripara tambe cu esaki no ta e caso cu e scolnan publico cu ta resorta bou di D.P.S.
Tabata tin hasta un congreso cu a tuma luga, pero e scolnan publico no ta haciendo uzo di beneficionan di e intercambio di Erasmus+. Rib’e punto aki, Minister di Enseñansa, Endy Croes a bisa cu bo mester ta capacita pa yena e aplicacionnan aki, cu ta un caminda basta pisa pa cana.
Tin algun docente di SKOA a crea un experticio riba esey, un di e scolnan aki ta Pius X y e mandatario a indica di a sinta na varios ocasion cu e maestronan aki.Erasmus+ta pa hopi proyecto, no solamente na Hulanda, pero si pafo di Hulanda, y hunto cu Robert Dijkgraaf, a trece un proyecto yama Studiesucces, unda cu e mobilidad entre e studiantenan di e cuater paisnan cu kier mobilisa y bay sigui algun les na Hulanda pa un luna. Esey ta loke ta yama ‘Studiesucces’.
Pa un relato mas amplio, lesa TREMPAN
