Diadomingo pa 2:30 am a sosode un accidente na altura di Winter Garden Savaneta. Esaki tabata entre un Hyundai Getz shinishi y un Jeep Wrangler. E accidente aki tabata fuerte y a laga persona herida.
Pa un motibo of otro e Jeep a sali riba e caminda grandi rumbo direccion pariba y net e momento ey e Getz tabata bay ariba. Chauffeur di e Getz no por a haci nada mas y a dal contra e porta di pasahero. Esaki a pone cu e Jeep bek bay dal den muraya di e cas.
Polis a presenta na e sitio pa cuminsa investiga con e accidente a pasa y pa traha un rapport. Ambulance tambe a presenta na e sitio pa asina e paramediconan por a atende cu e persona masculino di e Getz cu tabata keha di dolor. Despues di a stabelis’e, a transport’e pa hospital.
