Durante su control rutinario, personal di siguridad a constata cu tabatin un auto siguiend’e. Esaki a tuma luga den oranan di marduga, mas of menos 1:15 am den e area di SVb na Eagle.
E no a confia e situacion mirando cu e auto keto bay tabata su tras y a opta pa yama polis. Nan a presenta na sitio y asina atende cu e chauffeur di e vehiculo cu tabata persigui e auto di un compania di siguridad.
Pa su asombro a bin resulta cu tabata un otro colega di dje cu kier a haci un chansa cu ne. E chansa aki casi e caba na detencion y sigur un cu e no ta bay lubida mas.
