Actualmente Aruba ta den su di cinco ola di Coronavirus, cu entrada di e variante Omicron na Aruba. E biaha aki, cu yegada di Omicron na Aruba, nos turismo, cual ta nos unico pilar economico, ta bolbe expone nos vulnerabilidad pa cu e virus aki.
Pa haya sa di e percepcion di nos bishitantenan, pa loke ta trata e maneho di Aruba pa cu e pandemia, nos di 24ora y TREMPAN a combersa cu algun turista cu a duna indicacion di ta hopi satisfecho cu e trabou cu Aruba ta haciendo pa loke ta maneho di pandemia. Algun di nan ta vacuna y ta contento cu toch, Aruba ta test tur hende pa asina sigura cu tur hende cu drenta Aruba ta negativo y cu nan por disfruta di nan estancia na Aruba.
Tambe nan ta sinti nan mes hopi safe ora cu nan bay un supermercado, un restaurant, pa motibo di e uzo obligatorio di e tapaboca. Tur ta pidi pa haci uzo di tapaboca. No ta importa si ta vacuna of no. Cuida bo mes y cuida e dokternan, cu aunke nan ta vacuna, toch ta core risico di haya Covid.
Tur rond mundo, e di cinco ola ta un preocupacion, mescos ta e otro olanan. Uzo di tapaboca, vacunacion, tur ta necesario pa por yuda tene Aruba safe. Pero tur e medidanan di proteccion ta pa cuida un y tur.
Un conseho e turistanan ta duna ta pa tin e resultado di e test den man, pa asina no perde ni un minuut di nan vakantie.
