Victima di e incidente lamentabel di ayera tardi na costa noord a keda identifica como Melissa Carrasco, un turista Mericano di 29 aña. Den oranan di awe nochi Cuerpo Policial Aruba a emiti su informacion oficial di e suceso. Cuerpo di Bombero a percura pa e di dos turista den awa, cu a wanta na un baranca, por a keda rescata for di e lama bruto. Tanto Carrasco como e turista masculino tabata forma parti di un tour rond di e isla riba UTV/ATV cu a termina den tragedia.
Pa medio di vocero di polis, Liliana Rasmijn, a confirma cu e central a registra e alarma aki faltando 10 minuut pa 6’or di diahuebs atardi, indicando cu ta trata di un turista femenino cu problema den awa. Central a despacha patruyanan pa e sitio y na nan yegada ta constata cu e persona no ta duna mas señal di bida.
Pa mas detaye di e noticia aki, lesa edicion di mañan di TREMPAN. Registra pa ricibi bo edicion gratis di TREMPAN tur dia den bo email riba www.trempan.com
