Un otro accidente atrobe a sosode na crusada di Palm Beach diamars. Un turista cu un jeep cu el a huur a keda sin duna preferencia. E jeep tabata bin di hotel direccion Noord. El a pasa e crusada sin duna preferencia. Net e taxista tabata acercando y no por a evita e accidente.
Mas chauffeur aunke nan pone atencion ta haya nan cu sorpresa manera e caso aki. Den e taxi tabata tin dos turista cu no a resulta herida. Solamente un susto. Nan a yama nan famia bin buscanan. E jeep cu a causa e accidente a zwaai 180 grado bay dal den mata di kwihi cu e parti patras. Eynan tambe nan a pasa den susto y no tabata tin herido. E daño material tabata hopi riba ambos auto. Cu takelwagen a hiba ambos garage.
