E fin di siman di Aruba Doet a bay tremendo. Pa Paulien ter Meulen, organisado di Aruba Doet, trahando pa Cede Aruba y Oranje Fonds, tabata su di dos aña cu el a organisa e evento, aunke cu aña pasa tabata dificil pa caba cu tur e proyectonan.
Ter Meulen a keda hopi sorprendi cu tanto proyecto a tuma luga. Tur caminda e por a mira bandera di Aruba Doet. El a conta cu e evento tabata bibo cu masha hopi hende yudando.
Tabatin 167 proyecto en total durante e fin di e siman aki. Dos di e proyectonan lo continua e siguiente fin di siman. Casi 3 mil boluntario a duna un na e proyectonan aki.
Na principio tabata falta algun luga habri, mas of menos 170. Aki personanan cu kier a join y bira boluntario por a subi e website di Aruba Doet y aplica.
Aruba Doet ta tuma luga un biaha pa aña organisa pa Oranje Fonds. E ta tuma luga tanto na Hulanda como e otro islanan den Caribe Hulandes.
Pa mas detaye lesa matutino TREMPAN.