Durante un rueda di prensa a puntra presidente Mericano Donald Trump si Merca lo uza accion militar na Venezuela pa sostone e destitucion di president Nicolas Maduro y su contesta tabata ambisioso. “Nos no ta considera nada, pero tur opcion ta riba mesa,” Trump a bisa. E comentario a bin despues cu su administracion a anuncia cu lo reconoce lider di oposicion Juan Guaido como president interino riba Maduro.
Un Parlamentario Mericano di Florida ta pidiendo pa designa Venezuela como un “estado terorista” y impone sancion adicional pa pone presion riba President Nicolas Maduro baha di cargo. Parlamentario Rick Scott, a bisa na Washington cu Maduro “claramente ta un terorista.” Tambe e ta urgi President Mericano Donald Trump pa “mira tur sorto di sancion cu e por tin” y pa impone straf/boet na ken cu ta hacienda of sosteniendo Maduro.
Al menos dos gobierno di America Latino ta para tras di president di Venezuela Nicolas Maduro. President Boliviano Evo Morales a expresa su “solidaridad” cu Venezolanonan y a condena loke e ta yama “atake imperialista”. Vocero di e President Mexicano Andres Manuel Lopez Obrador tambe a bisa di ta sigui reconoce Maduro como e president di Venezuela.
