Diasabra anochi alrededor di 10:20 pm polis a topa cu e conocido Oye ta stuur auto sin luz den Emmastraat. Ta tur motibo pa par’e y detene mesora.
Den su auto marca Suzuki modelo Alto numera A-47143 tabatin dos pasahero. Un hende homber y un hende muhe. E trio no por a argumenta un motibo valido pakico nan ta riba caya.
Tur tres a bay den un transporte policial pa warda di polis caminda un subfiscal lo dicidi si nan ta bay cera of no. E takel e auto y hib’e pa warda di polis. A topa cu un machete den e auto, a confisc’e tambe.
