Comandante di Trupa Sicni Meulens cu orguyo ta bishita e 3 Militarnan di Corsou cu na e momentonan aki ta participa na e entrenamento Practico pa Marinier (Praktische Opleiding der mariniers-POTOM) na Hulanda. E entrenamento pisa y intensivo aki, cu ta dura nuebe luna, ta un paso importante den desaroyo profesional di e Militarnan den Caribe Hulandes.
Te cu awor e officiernan aspirant Carmeli, Martina y Koster a ehecuta fase1 di e POTOM cu exito y fin di februari tambe lo hacie cu fase 2. Esaki ta hacie posibel pa nan opera optimalmente den Region Caribe Hulandes. En bista cu nan prestacionnan excelente, nan a entrega un peticion pa por sigui tambe fase 3 y 4, den cua nan ta siña lidera e gruponan mas grandi di Militar na un nivel superior.
Teniente Meulens, e mes e ultimo Militar di Corsou cu a completa e entrenamento pisa aki na Hulanda na aña 2020, ta demostra gran orguyo pa e prestacionnan di e participantenan. E ta mira gran potencial pa e offiernan aspirant na Corsou.
E entrenamento ta finalisa durante ultimo siman di juni cu un bivak final durante cua tur aspecto cu nan a trein ta bin dilanti. E avance di Militarnan di Corsou y Aruba ta un di e prioridadnan pa e añanan binidero di Defensa den Region Caribe Hulandes. Cu esaki un carera largo y profesional pa Militarnan di Corsou y Aruba ta keda salvaguardia den region, loke ta aporta na pas y siguridad den Region Caribe Hulandes.
