Polis tabata patruyando e cayanan di Aruba den toque de queda y den e bario di Sabana Basora pa mas o menos 2:20AM nan a bin topa cu un auto luz paga. Polis a haya esaki un situacion sospechoso, pasobra den e auto a bin haya 3 hoben masculino aden.
Polis mesora a acerca nan y a bay over na detencion, pasobra no ta permiti pa ta den cura cu ta conecta cu caminda publico.
Tur cos ta mustra cu sea net nan a caba di yega na e sitio of a mira Polis y a keda den auto den auto sinta haciendo comosifuera nada no ta pasando. P’e patruya esaki tabata un situacion sospechoso y di biaha a pidi pa refuerso pa bay cu e hobennan. Despues di basta intento, un patruya di Playa a bin duna un man, mirando cu San Nicolas tin un patruya so pa henter e districto.
E transporte di CEA a yega y a tuma over e tres hobennan for di e defensornan di ley. CEA a transporta e hobennan pa Warda di Polis, unda cu nan lo tin cu presenta dilanti fiscal y pasa den e proceso di multa. Aki caha di Gobierno ta conta cu 3000 florin extra.
