Dialuna atardi habitante den Madiki a bati alarma ora desconcidonan a bin busca problema y menasa cu arma di candela. Polis a busca den area, esnan menasa a señal un auto color silver sospechoso.
E homber cu a saca arma tabata bisti cu t-shit cora y jeans. Polis atento a bin para un Volkswagen color silver patras di Veld Riverplate. Aki un homber cu ta cuadra cu e descripcion di e sospechoso a baha di auto drenta mondi na careda.
Polis a listra e chauffeur y pasahero sinta na banda. A bin haya un machete den auto, ambos a nenga di tin algo di haber cu e caso di menasa. Polis un rato despues a logra pone man riba e otro sospechoso cu a huy drenta mondi banda di River Plate.
E homber papia spaño a bula cura di cas purba huy di Polis pero e la faya. Di un manera tactico Polis a saca arma reglamentario riba dje y stop e homber di sigui core pa husticia. E arma di candela mes no a haya esaki. Polis, recherche y unidad di K9 a busca den area di e mondi y e veld pero buskeda tabata envano.E muher na stuur di e auto color silver tambe a keda deteni. A confisca e auto pendiente investigacion.