Despues di dies aña di servicio leal na Nos Clubhuis y tres aña den servicio di Tango Argentine Grill, Rafael Statie a bay c’un pension bon mereci dia 31 di mei ultimo. A celebra esaki den un fiesta di hubilacion hunto cu su amigo-, famia y coleganan cu a probecha e oportunidad di desea Statie lo miho pa e disfruta di un pension bon mereci. Tabata tin un invitado special tambe: Minister di Turismo di Aruba, Dangui Oduber.
Minister Oduber a expresa su gratitud na Rafael pa su contribucion na turismo di Aruba y su servicio sin igual na tur e huespednan di Nos Clubhuis, incluso e piscadonan local cu ta considera Nos Clubhuis nan hogar. Fabian Lantinga, Director di Operacion di Aruba Wine and Dine, a menciona e importancia di e personanan manera Rafeal cu ta fuertemente comprometi cu e trabou y a felicita Rafael pa ta semper dispuesto na sirbi.
Nos Clubhuis, c’un bista impresionante pa lama, ta situa na e piso superior di Hadicurari y ta e cas di e piscadonan local. E bar-restaurant ta sirbi bebida friu, dushi cuminda y tin tres orario diario como tambe e popular happy hour. Nos Clubhuis ta habri tur dia di 10:00am te cu mey anochi.
