Trekmento di lot pa “The Voice” EPI Edition den Starz Karaoke Club

Diahuebs, 16 di Mei, a tuma luga trekmento di lot pa The Voice EPI Edition, den Starz Karaoke Club.

Un total di 17 participante ta bay participa den e magno evento aki cu lo tumal uga dia 25 di Mei proximo, caminda nan lo demostra cu nan ta e miho “voice” di e scol.

Ta bay tin dos categoria cual ta Pro y amateur.

 

Trekmento di lot pa The Voice EPI Edition

Posted by 24ora on Thursday, May 16, 2019

E evento mes ta bay tuma luga riba e Campus di EPI, cuminsando di 7’or y mey di anochi te cu 12’or di marduga, diasabra, dia 25 di Mei.

Entrada en general ta 10 florin pa studiante di EPI y 15 florin pa publico general.

Ticketnan ta bay ta disponibel ne Admision’s Office y tambe The Food Court. Pa cualkier informacion bishita nan pagina di Facebook (Hospitality Student Counsil) of tuma contacto cu 7429456 of 5937795.

 

Training y premionan

Tur participante ta bay tin un minimo di 4 training promo cu e gran anochi final. Ta bay tin diferente premio. Un di nan ta pa mas popular ora e persona pasa cumpra ticket na cantina e lo menciona ken e ta bay apoya y asina ta scoge esun cu mas apoyo. Un di e otro premionan cu tin ta miho bisti na prome, di dos y di tres luga den tur dos categoria.

 

Participacion

Pa participa ta pidi un contribucion di 20 florin cu ta encera 1 photoshoot, t-shirt y refreshment backstage.

Tur participante mester atende e meetingnan cu ta bay tin pa informa nan mas riba e evento y tambe na un mini radio tour.

E fanaticonan di cada participante por trece poster, banners y blaas pa apoya pero no lo mag trece nada cu por stroba otronan di disfruta di e show.

Comments

comments