Cada pasa tres of cuater aña ta tuma luga e ceremonia di traspaso di comando. Diaranson den ora di atardi, na Marinierskazerne Savaneta, Teniente-Colonel di Marina Real, Art van Beekhuizen a traspasa su tareanan over na su sucesor, Teniente-Colonel di Marina Real, Tim van Wijk.
Marinierskazerne Savaneta tin su mesun comandante cu ta tene un bista skerpi di tur skina (hoekbeeld) riba nos isla. Ta masha importante cu e persona cu tabata na mando tuma despedida apropia di su militarnan, su miembronan y amistadnan di kazerne, como tambe haya e oportunidad di cera conoci cu e comandante nobo cu ta tuma mando over.
Tambe ta importante pa tin un fundeshi solido y firme cu e comunidad, pa cual motibo tambe ta efectua e ceremonia cu a tuma luga recientemente. E comandante di Marinierskazerne Savaneta tin un rol importante riba Aruba. Control y ehecucion di cierto maneho ta bou su encargo, entre otro na momento di un of otro calamidad, como tambe su rol como consehero.
Pa locual ta trata e presencia comunitario cu nan tin cu carga y na defensa di Aruba, ta un peso grandi, cu ta algo cu nan ta haci cu honor, no solamente den e area social pero den diferente otro sector.
E ceremonia di awe e Teniente-Colonel di Marina, Art van Beekhuizen despues di tres aña di a sinta den e cargo, a dispidi y pa hopi di nan e tabata un momento de refleccion. E tabata un persona cu a bay bon cu tur y cu nan a traha hopi bon cu ne y di cual sigur e lo tin hende na cas ta ward’e yega bek. Nan ta desee lo miho den su regreso.
Na mes momento a expresa tur bon deseo pa yegada di e comandante nobo Teniente-Colonel di Marina Tim van Wijk y cu e lo ricibi tur cooperacion y trato amical di e comunidad di Aruba.
Referente Marinierskazerne Savaneta:
Como parti di Reino den Caribe tin aproximadamente 800 militar, como tambe personal civil di defensa staciona na e islanan di Aruba, Corsou y Sint Maarten. Nan presencia na e islanan den Caribe tin tres cargo importante cu nan mester ehecuta: Defensa di teritorio di Reino Hulandes – Stabilidad y Estado di Derecho – Apoyo na autoridad local.
