Despues di hopi aña den un estado deplorabel porfin e trapi di Rodgers Beach ta den e fase final di su renobacion segun Minister di Turismo Dangui Oduber. Asina cu e trabounan na e trapi finalisa lo bay sigui cu e embeyecimento di Rodgers Beach cu tambe ta forma parti di henter e masterplan cu tin pa San Nicolas.
Minister Oduber semper a kere den e potencial di San Nicolas pa bira e segundo capital di turismo na Aruba. P’esey a percura pa desaroya henter e area di Baby Beach y lo bay desaroya e area di Rodgers Beach tambe. Lo a percura pa crea mas area di parkeo, mehora e infrastructura, percura pa tin landscaping, contruccion di bañonan publico y construccion di kiosco.E proyecto di trapi a wordo financia door di Aruba Tourism Authority (ATA) y e lo eleva e producto Aruba como tambe e lo haci Rodgers Beach mas accesibel pa esunnan cu ta biba den bisindario. Minister Oduber ta contento cu pronto e bunita proyecto aki ta wordo finalisa y entrega.
