Tin un mal contento sigur na Fundacion Facilidadnan Deportivo. Varios di e trahadonan tin 8 aña of mas trahando cu ASU y nan no a bay dilanti.
Despues cu a pasa pa Fundacion Facilidadnan Deportivo, nan no a reconoce nan pa e añanan cu nan tabata tin trahando na ASU. Pio ta, cu a bin hende for di Lotto pa Deporte y nan tampoco no a haya reconocemento. Varios trahado ta trahando basta aña largo sin un aumento. Pesey trahadonan a dicidi di bisti na preto diabierna awo y walk out. Pero awe a haya informacion cu mediadornan di gobierno a yama SEPPA, minister Dangui Oduber y director di FFD pa tene un reunion 3or pa wak si nan por yega na otro pa stop si of no.
Demasiado presion
Ladi Vrolijk ta beheerder na Fundacion Facilidadnan Deportivo y e ta un di e trahadonan cu a pone trabao abao ya for di oranan tempran di mainta. E trahadonan no ta nada contento cu e mal maneho di e fundacion, cu ta encabesa pa Junior Tromp. Esaki ta un comienso, el a comenta. Problema ta cu gerencia ta pone mucho presion riba trahadonan inecesariamente.
Esnan cu ta traha bon, ta pestnan. Tin hasta cu algun di nan a bay bek for di unda nan ta. E oficina di recurso humano no ta comunica cu e trahadonan. Unico cos bon cu nan ta haci ta, pa duna warning y percura pa e bonus di fin di aña ta baha. Ta trata aki di un total di 16 trahado cu a pone trabao abao.
