Algo prome cu 6’or di atardi a drenta a drenta informacion di un persona cu a cay den awa entre Natural Bridge y Andicuri. Inmediatamente a despacha unidadnan di Polis y Ambulance pa e sitio. Mientrastanto, e personanan na e sitio a logra saca un di e victimanan fe awa y a cuminsa dun’e prome auxilio sin exito.
Na e momento ey a indica cu tin un di dos persona den awa cu tambe ta den problema, pero esaki a logra wanta na un piedra. Cu e lama bruto, tabata urgi autoridadnan pa sac’e lo mas pronto posibel y prome cu un ola ranc’e bay cune bek den awa.
Ora cu ambulance a yega, paramediconan tambe a purba di reanima e prome victima riba beach, pero atrobe sin resultado. Consecuentemente a duna instruccion pa yama dokter Texier pa constata su morto, como tambe Slachtofferhulp pa duna asistencia na e otro turistanan cu tabata forma parti di e grupo di e tour di ATV cu e victima tabata aden.
