Consulado di República Dominicana, cu cooperacion di Federashon di Ajedrez di Aruba y Caquetio Chess Club, a organisa e prome edicion di e torneo di ahedres nacional aki.
Esaki como celebracion di e dia di independencia di República Dominicana. Torneo Independencia República Dominicana Blitz Style Open a wordo hunga den Sala Unoca, na Cas di Cultura, riba diadomingo 24 februari.
A wordo hunga den 3 categoria; Open Group, U-18 Group & U-12 Group.
Partidonan Blitz cu 5 minuut y 5 seconde adicional pa cada movida pa persona.
Categoria: U-12 Youth Group
Den e categoria aki a participa 11 mucha, mucha homber y mucha muher, y a wordo hunga un Round Robin di 11 buelta. E arbitro encarga cu e grupo aki tawata sr. Maurits Dijkhoff.
A registra 7 mucha homber; Bodi Rosenstand, Ethan Ibarra, Lui Montoya, Kian NG (2nd place Boys U-12 Copa Betico Croes 2019), Jeayonsley v/d Linde, Santiago Rodriguez y Patrick de Roo (1st place Boys U-12 Copa Betico Croes 2019), mientras cu 4 mucha muher a registra; Mia McCollum, Lisabeth Mark, Angelina Arens y Mary Jane Bueno (2nd place Girls U-12 Copa Betico Croes 2019).
For di e prome buelta e participantenan a hunga pa gana nan prome partido, pero loke semper ta haci un torneo mas interesante ta ora cu tin sorpresa riba un o mas borchi.
E sorpresanan cu e categoria U-12 a conose:
1. Buelta 1, borchi 2: Mary Jane Bueno vs Angelina Arens 0-1
2. Buelta 3, borchi 1: Mary Jane Bueno vs Patrick de Roo 1-0
3. Buelta 3, borchi 3: Jeayonsley v/d Linde vs Angelina Arens 1-0
4. Buelta 4, borchi 1: Bodi Rosenstand vs Kian NG ½ – ½
5. Buelta 6, borchi 1: Angelina Arens vs Ethan Ibarra 0-1
6. Buelta 6, borchi 5: Mary Jane Bueno vs Santiago Rodriguez 0-1
7. Buelta 8, borchi 5: Santiago Rodriguez vs Jeayonsley v/d Linde 0-1
8. Buelta 11, borchi 4: Angelina Arens vs Mia McCollum 1-0
E participantenan a haci nan best, a hunga bon y a comporta hopi deportivo.
Resultado Final:
Boys U-12:
1st place: Patrick de Roo, 9 pto.
2nd place: Santiago Rodriguez, 7 pto.
3rd place: Kian NG, 5.5 pto.
Girls U-12:
1st place: Mary Jane Bueno, 8 pto.
2nd place: Mia McCollum, 7 pto.
3rd place: Angelina Arens, 3 pto.
Best U-10 player:
Jeayonsley v/d Linde, 5 pto.
Best U-8 player:
Lui Montoya, 4 pto.
Federashon di Ahedres di Aruba y Caquetio Chess Club ta gradici Consulado di República Dominicana, especialmente sr Edward McCollum, Vice Consul, pa e bunita initiativa aki. Alaves ta gradici tur e muchanan cu a participa y ta felicita tur e ganadornan.