Club di dam Arowak, lo organisa riba diadomingo dia 15 di April, un torneo di cualificacion di dam pa nos hobennan te/cu 16 anja.
Ganador di e torneo aki, lo gana e derecho pa representa Aruba na torneo ABC na Korsou den e weekend di 18, 19 y 20 di Mei venidero.
Banda di esaki, e ganador lo haja un coupon di Dinner for Three.
E torneo di cualificacion lo tuma lugar den nos club na Nieuwstraat 11, Oranjestad, desde 11:00 di mainta te rond di 4:00 di atardi. Esaki ta situa tegenover di Botica Oduber, unda e tram ta lora back back.
Tur hungador di dam cu no a cumpli 17 anja ainda, por participa.
Pa mas informacion, por tuma contacto cu Mario Jansen na cel. 569-6471 of Rolin Croes cel. 593-6817.
