Diadomingo anochi polis a presenta cu urgencia den e area di Silla Bar y Manuelito’s na Playa p’un bringamento formal. Aki ta caminda cu a start un discusion formal entre dos grupo.
Cos a bay asina leu cu a start un bringamento formal. Halament’i conopi a sigui na tiramento di boter y baranca riba otro. Por lo menos tres persona a resulta herida, cu kap na cabes, sla na cara y man corta. Polis a detene tres persona, bou sospecho di ta envolvi den e pelea aki.
Dos na sitio y un otro persona na un cas riba Caya Ernesto Petronia. A transporta tur tres pa warda di polis pendiente investigacion. Un boter a alcansa un windshield di un auto marca Ford modelo Fusion staciona dilanti di Silla Bar.
E famia di tres tabata disfruta di aros moro paden mientras cu a destrui glas di nan auto pafo. Na warda un subfiscal lo atende cu e tres sospehosonan aki, lo dicidi riba nan encarcelacion.