Sindicato di Polis Arubano (SPA), pa medio di su presidente Lito Laclé, a comparti un desaroyo positivo riba e capacidad di personal den Cuerpo Policial. Actualmente tin tres klas di opleiding — dos di 14 y un di 13 alumno — cu ta preparando pa produci aproximadamente 40 funcionario nobo. E klasnan aki, conoci como LBO Opleiding, ta dura un aña parti den seis luna di teoria y seis luna di practica. E meta ta pa riba termino cortico yena e posicionnan riba caya y permiti mobilidad di otro coleganan.
Laclé a destaca cu e strategia aki ta sirbi como un brug efectivo, ya cu warda un trayecto MBO di cuater aña lo ta demasiado largo. Hopi di e alumnonan aki ta cuminsa cu e estudio cortico y despues por sigui crece den e organisacion. Banda di esaki, SPA ta creado accion riba tereno legislativo. Dialuna awo, e sindicato lo manda un carta pa Staten exigi cumplimento cu e mocion di dia 24 di maart firma pa tur 21 parlamentario. E mocion ta trata temanan crucial manera introduccion legal di bodycam y dashcam, ayudo psicologico p’e trahadonan, y gevarenpremie p’e personal di surveillance dienst.
Laclé a recorda cu a pesar cu un startnotitie p’e ley di bodycam a drenta na juni 2025, te ainda e adaptacionnan legal no a tuma luga. P’esey, e sindicato ta keda activo poniendo presion riba Parlamento garantisa e ekipo moderno y derechonan cu e polisnan ta merece.
Pa mas detaye lesa TREMPAN.
