Durante un entrevista cu Yolanda Richardson, docente na Universidad di Aruba, el a splica un tiki riba apertura di e Facultad di Arte y Ciencia. Nan tin diferente programa, manera trabao social. Nan ta un facultad cu tin programanan na Ingles y na Hulandes.
E dos programanan na Ingles ta Social Work and Development y e otro programa ta Organization Governance and Management. Tin un programa na Hulandes cu ta Lerarenopleiding Wiskunde. Diaranson nan a cuminsa cu e opleiding pa trahadonan social y tambe cu esun di Organization Governance and Management. E interes ta basta bon. Tin un promedio di 15 studiante pa tanto Social Work & Development y tambe pa Organization Governance and Management. Den OGM, tin un total di 67 studiante caba, si conta tur e cuater añanan di programa.
Richardson a sigui splica cu loke nan ta haci ta, cu nan ta activo riba Facebook. Ora cu Universidad, e departamento di studiante haci programanan di Relacionnan Publico y Mercadeo, nan ta participa. E aña aki lo bay tin College Fair y Universidad lo bay tey. Tambe nan ta purba di yega na esnan cu nan ta kere cu lo tin interes pa studia, pa traha den sector publico of den sector priva, por medio di nan studiantenan mes. Por medio di ei mpacto cu e studiante y e graduadonan, cual ta mas of menos 20 pa 22 graduado, ta purba di haci e programa mas conoci. Tambe ora cu e studiantenan haci nan pasantia, ora cu nan core stage, Universidad ta haci hopi mercadeo rond di e stage y di nan contribucion cu nan ta haci pa loke ta e departamento of e organisacionnan cu nan ta traha aden.
E facultad a cuminsa na 2009. Nan tin casi 4 of ta 5 aña cu ta pidi un persona cu ta top den comunidad riba e mercado laboral pa duna presentacion. Tabata tin Omaira Lares, Jurgen Benschop, sr. Farro di Hilton Aruba pa duna presentacion na Universidad. Diaranson nan tabata tin Luenne Gomez-Pieters di e departamento di impuesto. Segun Richardson, enseñansa ta un manera di prepara profesionalnan pa e mercado laboral y tin hopi competencia eyfo y ta parce manera cu nos no tin programanan pa prepara profesionalnan na Aruba. Ainda ta haya cu hopi hende no sa cu Universidad tin bastante programa na universidad di Aruba. Por medio di e profesionalnan aki, ta purba pa yega na e interes di e studiante, esta pa e studiante por sa cu e por desaroya na Aruba mes y cu e por haci contacto lihe y por tin contacto cu esnan cu ta den e mercado laboral, y tambe por mira con e profesionalnan akinan, con nan mes por logra enfrenta nan meta y nan obhetivonan y nan retonan durante ehecucion di nan trabao.
Mas profesional
Siman pasa tabata tin un graduado y ta un persona cu ta traha na aeropuerto. Dia 12 di September lo bay tin un celebracion di e graduadonan y ta spera mas of menos 5 pa 6 graduado mas rond di e fecha ya menciona.
