Thomas Ruiz, secretario di Vereniging Rijscholen Aruba (VRA), recientemente a haci un yamada cu urgencia na Minister Rocco Tjon, encarga cu e departamento di Bureau Rijbewijzen en Rijexamen (BER) di Korps Politie Aruba (KPA), pa sinta na mesa y trece claridad riba un supuesto maneho nobo (‘beleid’) cu ta stipula e anulamento di examen positivo di rijbewijs den tres luna.
Proceso di rijbewijs na Aruba
Na Aruba ta asina cu pa bo ricibi bo rijbewijs bo tin cu pasa dos examen: Un di teoria y un di practica. Si den caso bo pasa e prome examen di teoria, mester bin bek BER pa por pasa e examen di practica. Articulo 8 di Decreto Nacional (landsbesluit; LB) tocante Rijbewijs y Keuringsbewijs ta bisa bon cla cu e examinado tin cu bin bek pa haci e examen cu e no a cumpli cun’e ainda.
E periodo den cual cu tin cu cumpli cu e di dos examen aki no ta prescribi den nos ordenansa nacional manera cu esaki si ta e caso na por ehempel Hulanda, segun Ruiz. Ley Hulandes ta duna tur examinado ey nan un temporada maximo di un aña y seis luna pa por cumpli cu e di dos examen aki.
Pa mas lesa TREMPAN.COM
