Den conexion cu training como tambe e acto protocolario di aña parlamentario nobo lo cera diferente camindanan den centro di Oranjestad y algun lo ta parcialmente cera y lo dirigi e trafico.
Mester tene cuenta cu e siguiente fechanan:
Dialuna 11 di september for di 8:00 am pa 10:30 am pa e training y diamars 12 di september for di 7:00 am pa 12:00 pm pa e acto protocolario.
Lo cera e siguiente camindanan:
L.G. Smith Blvd for di e crusada cu Adriaan Lacle Blvd pa tur trafico cu ta bay direccion West;
L.G. Smith Blvd for di e crusada cu Paardenbaaistraat pa tur trafico cu ta bay direccion Oost;
Parti di Oranjestraat for di crusada cu L.G. Smith Blvd te cu e crusada cu Wilhelminastraat y parti di Zoutmanstraat for di e crusada cu Zuidstraat direccion Oranjestraat.
Cuerpo Policial Aruba ta haci un peticion na nos comunidad pa evita di keda pega den trafico pa desvia y tuma otro ruta alternativa.
