Hopi habitante den diferente area a sinti marduga despues di 6:00AM un temblor. Departamento Meteorologico di Aruba tin registra e ora exacto cu e temblor a pasa y esaki tabata pa 6:33AM den e Golfo di Maracaibo, Venezuela. Esaki a pasa na un distancia di 140 KM Zuid Zuid West di Aruba, un profundidad di 22.9 KM y e magnitud ta di 4.5.
E distancia di temblor tabata hopi leu. Dave Barkmeyer, director interino di Departamento Meteorologico di Aruba, ta kere cu hopi hende por a sinti’e, aunke e tabata mas leve cu esey. E aña aki no tabatin hopi temblor, pero si tabatin den areanan di Puerto Rico. P’e weekend aki un biaha mas stof di Sahara ta drentando Caribe.
Segun Barkmeyer, e concentracion di e biaha aki ta menos, pero lo stroba e visibilidad y haci e shelo poco shinishi. E hendenan cu tin problema di respiracion pa sigui tene precaucion. E nubia di stof di Sahara lo dura problablemente 3 pa 5 dia y no lo keda mucho mas den region. Tin algun awasero cu tambe ta limpia shelo y ta sigui direccion West.