Durante conferencia di prensa Mike Petronia a trece dilanti informacion cu e tin referente duna un menor di edad mas aña di castigo y tur esaki ta depende gravedad dje suceso. A asesina su yiu muhe, Sayuri Petronia, dia 4 di juni y door di e prueba aki, e ta pidi pa duna nan maximo castigo.
E tin prueba den su man y e kier pa tur hende sa cu cos por ta diferente. Por husga un menor di edad como mayor di edad dependiendo dje gravedad di caso. Petronia tin prueba di un caso cu a pasa na Hulanda, unda un mucha di diesshete aña a haya diesdos aña di prizon aunke e mes no ta esun cu a mata.
E hoben aki tabata esun cu a core e auto. Ministerio Publico di Hulanda a pidi 20 aña p’e, pero a dun’e 12 aña. Tur cos ta depende di gravedad di suceso e por haya 20 aña mes. Awe un di nan a cumpli diesocho aña, y como e ta mayor di edad, e ta pidi husticia y trata e dos asesinonan como adulto.
Segun Petronia, el a bay Hulanda y a entrega un carta na minister presidente, pero no a haya reaccion. Tambe el a entrega un carta na gobernador, pero tampoco a haya reaccion. E siguiente stap cu e lo tuma ta bay VNO pa duna carta na rey y pa mira si e por tuma medida. A haya yamada di Ministerio Publico y a bis’e maximo di cuater aña por haya. E di dos biaha el a presenta y mira cu cos tabata diferente. E lo sigui lucha pa husticia pa su yiu muhe.
Pa un cobertura mas amplio lesa e edicion di TREMPAN di mañan.
