Diadomingo anochi un poco prome cu 11:50 pm polis mester a presenta na un cas na Madiki caminda un situacion lo a bay for di man. Ta trata aki di un tata cu lo a bin baha su yiu di 5 aña di edad na cas di e mucha su mama.
Na momento cu e tata a yega eynan cu e mucha, el a ripara cu e mama lo tabata bou di influencia di alcohol. Den esaki e tata a dicidi di bay bek cu e mucha y no lag’e cerca e mama.
Sinembargo, e mama no a gusta esaki mucho y a bira agresivo, pasobra e tata kier bay bek cu e mucha. Pa purba tene e situacion bou di control no a keda nada otro cu detene e mama y transport’e pa warda di polis pa asina atende cu ne.
