Ministerio Publico lo intensiva cobramento di boetnan habri entrante e siman aki. Ta trata di boetnan di aña 2019 te inicio di 2021 cu ta habri ainda. Den e cuadro ey Grenspolitie lo para pasaheronan y atende nan riba nan boetnan habri prome cu permiti pa sigui cu nan biahe.
Grenspolitie tin un mashin di pin di Ministerio Publico, loke ta facilita e pagamento na frontera prome cu sali cu vakantie. Banda di esaki por paga online via cuenta bancario 4000905 na Aruba Bank bao mencion di e parketnummer y e letter cu ta parece riba e carta. Esnan cu ta prefera pa paga nan boet personalmente na balie di Ministerio Publico, por haci un afspraak di antemano via website (www.omaruba.com).
E accion aki lo dura te fin di aña y lo bira cada biaha mas pisa. Ministerio Publico lo sali activamente en busca hendenan cu keda sin paga y e hendenan aki lo core riesgo di bay cera den KIA.
