“Ta maraviyoso pa bishita un isla asina encantador solamente pa bo ricibi un bon bini y wordo trata asina bon pa su hendenan. Danki pa boso hospitalidad,” ta loke Rachel y Mildred for di Merca a bisa.
E dosnan aki ta riba un “sisters’ vacation” akinan y nan gusta e isla y su hendenan. Rachel y Mildred a cana pasa banda di Arawak Garden riba e hi-rise strip, ora cu dinner den Tango Argentine Grill a yama nan atencion. Nan a sinta y a ordo empanadas, e Portobello mushroom y un T-Bone Steak y Grouper. Nan dessert tabata crepes y bolo di chuculati. “E steak tabata perfecto y e saucenan tabata e miho,” tabata nan comentario. Y pa pone e cherry riba e bolo, tambe nan a pronuncia e servicio “excepcional” di Tango.
Rachel y Mildred, masha danki pa boso entusiasmo – nos ta spera boso bek pronto pa sigui purba e hospitalidad di Aruba. Pa awo, pasa pret, boso dos.
