E uzo di e bus di salud segun Monique van Embden, directora di Ibisa, esey ta keda semper na hefe di e departamento di salud na Ibisa, sra. Iraida Thijsen y ta trata semper di balansa bishita na instancianan priva, bishita na organisacionnan gubernamental, scol tambe. Ta purba di balanse di bishitanan general den bario. E ta depende con druk e luna ta. Semper ta purba di tene na cuenta pa duna oido na peticionnan for di organisacionnan. Despues cu ta bishita un organisacion ta purba di duna nan e resultado bek. Esey no ta bay nunca y ta importante pa sa, na e nomber di hende. Si loke ta duna informacion na e organisacion, cuanto hende den e organisacion tin por ehempel un estado di salud saludabel. Cuanto di nan BMI ta saludabel, esta nan peso. Cuanto ta sufri di presion halto, pa asina e compania tambe tin un oportunidad pa bisa cu den nan organisacion ta prueba cu mester duna mas atencion na e salud di e trahadonan. Eigenlijk e ta pa contribui na un miho responsabilidad di organisacionnan pa loke ta trata nan trahadonan. Y ta spera naturalmente cu e ora ey e organisacionnan ta stimula nan trahadonan pa participa na programanan di actividad fisico of si ta trata di un compania grandi hasta, cu nan mes ta organisa cierto actividadnan.
