Un rato pasa alrededor di 7:45pm a bati alarma pa dos auto na candela. Ta na un tereno net band’i e parkeerplaats di Gloria IMAX riba Avenida Nelson Orlando Oduber. Na yegada di e prome unidad di brandweer a topa cu dos auto kimando y cu vlam grandi. Mesora e bomberonan a bay den accion pa cuminsa combati e candela. Ta trata di un auto marca Ford modelo Fusion y un Hyundai hatchback color blanco.
E candela a cuminsa na e Ford y a pasa bay p’e Hyundai. Ambos auto a keda completamente destrui, un mas cu otro. Tur cos ta mustra cu e caso aki lo bay den un otro dimension mirando cu tin tur indicacion cu e caso ta penal. Polis forensico y recherche tambe a presenta na sitio.
Pa mas informacion di e caso aki lesa TREMPAN.
