E team di narcotica a haci un entrada hudicial diabierna na Semeleerstraat na Noord den cuadro di un investigacion andando pa bendemento di droga for di un parcela.
For di un parcela den Semeleerstraat a detene cuater persona envolvi den e caso aki. Esnan cu polis a bay cu nan ta henter un famia: Mama Jennifer Martinus (40) conoci como Nana; su yiunan morocho Swinda y Rechel Martinus di 21 aña.
E homber deteni ta Jurich Chalgut (26), kende tampoco ta desconoci di husticia. E ta yiu di e asesino condena Jairo Chalgut y algun aña atras a detene a detene na momento cu e kier a biaha pa New Yorl cu 4 kilo di cocaina. Por a compronde cu e rumannan tampoco ta prome biaha cu ta haya nan mes envolvi cu husticia.
Na e dicho parcela a haya marihuana, cocaina y XTC tur esakinan a tuma den beslag pa mas investigacion.
Conhuntamente cu e unidad di Rapid Response Team, K-9 Unit, Flex Team y bou coordinacion di Unit Narcotica a haci e entrada hudicial aki. No ta descarta cu lo por tin mas detencion.
