E bon conoci estilista Clyde Fuenmayor den un declaracion duna publica, a bisa cu su sobrina di 15 aña ta perdi pa dos dia caba.
A resulta cu tata di e menor a haya un problema cu su pareha, pa cual Polis a wordo yama. Su pareha a bay cu e menor di edad y a hib’e na pastor di un iglesia. Desde dos dia pasa ta buscando paradero di e sobrina, pero no kier informa nan.
Via di personanan di e iglesia a bin tende cu e ta keda cerca e pastor di e iglesia y su esposa. No kier duna adres unda e mucha muhe ta, siendo cu niun di e hendenan ey ta su famia.
E mama di e menor mes ta biba na Peru.
Clyde a splica cu e ta sinti cu e hendenan di e Iglesia a laba su cerebro ya cu e ta papiando di un forma hopi straño, pasobra semper nan tabatin un relacion perfecto, inclusive diaranson ultimo mes ora cu e tabata cerca nan. Y ta e anochi ey e problema a surgi entre e tata y su pareha.
Informacion cu nan a haya ta mustra cu e hendenan aki di e Iglesia ta uza e menor pa haci trabou di limpiesa for di mainta tempran te oranan laat di anochi.
E situacion aki tin e familiarnan desespera. Mas ainda pasobra e mama no kier pa e menor keda cerca e hendenan di e Iglesia.
