“For di banki di oposicion mi kier a sigi informa pueblo di e progreso di exploracion di gas cu azeta na Aruba. Durante di e dianan nos dilanti lo cuminsa cu porforacion di prueba pa gas y azeta den subsuela bou di nos awa pa Noord-West di Aruba”, asina Paramentario di AVP, Ing. Mike de Meza a comunica awe. E trabounan aki a cuminsa bou su maneho como Minister di Energia den Gabinete Mike Eman II.
For di comienso di Gabinete Mike Eman I na 2010 y durante Gabinete Mike Eman II a traha cu alma y curpa cu un determinacion grandi. Esaki ta un Proyecto sumamente importante pa pais Aruba y futuro generacion, e ex-Minister a menciona.
For di inicio di 2010 a traha cu diferente expertonan internacional renombra riba un “fact finding pathway”. Durante 2010 pa 2012 a evalua via diferente proceso transparente, intresadonan pa bira un partner cu Aruba den exploracion pa gas y azeta den subsuelo di Aruba.
Na 2012 a selecta y a firma cu e companianan Repsol di Spaña (operador) y Total di Francia. Na 2013 a haci e asina yama “2D seismic”, mas o menos 3.500 line km. Na cabamento di 2014 y inicio di 2015 a haci e asina yama “3D seismic”, mas o menos 3.000 km2. Na 2015 a haci un e asina yama “Piston coring and heat flow survey” den e zona interesa.
Durante 2013 y te cu pa final di 2016 y inicio di 2017 tabatin un candidad di procesamento di data y a tuma luga e fase di interpretacion di nivel detaya dor di expertonan y mas profesional.
Na 2017 a tuma e decision pa bay pa e siguiente fase cu ta perforacion di prueba y a cuminsa for di 2017 cu e proceso pa ingeneria di e asina yama “well construction process” y sigui cu e preparacionnan pa e asina yama “drilling of exploration well 2018”.
“Awe, dia 10 di juni 2018, Aruba ta para dilanti un momento grandi y interesante. Mi lo keda informa Aruba di e progreso sumamente importante aki”, di acuerdo cu ex-Minister Mike de Meza.
E actual miembro di Parlamento a finalisa bisando cu “Ban para hunto pasobra esaki ta di ningun otro pais y di ningun persona of famia particular! ESAKI TA DI ARUBA!”
