Dialuna un poco despues di 11’or di mainta tabatin un accident entre dos auto di marca Suzuki den cual e heridonan tabata leve, entre nan un baby. Ronda di 11.15 di mainta polisnan a yega riba e crusada di Bellstraat y Fordstraat caminda e Suzuki Swift y e Suzuki Vitara a dal den otro den un impacto basta fuerte.
E Suzuki Vitara coriendo riba Bellstraat a hay’e confronta cu un Suzuki Swift shinishi na su banda robes biniendo for di Fordstraat cu a dal fuerte contra dje.
E Swift a draai rond bay para meymey di e crusada, mientras e Vitara a bay para basta meter mas leu. Personal di ambulance a atende heridonan leve mesora, specialmente un baby cu tawata den e Swift. Danki Dios cu e mayornan consciente tabatin e baby faha den su “child seat”.
Paramediconan tambe a revisa un dama cu tabata den e Vitara. Ningun di e heridonan a bay hospital. E daño material ta hopi, specialmente e Suzuki Swift.
