Un problema serio tin cu adictonan ambulante cu ta invadi casnan cu no tin habitante of cualkier otro cas, causando daño pa e doñonan. Dialuna mainta un señora cu ta biba den Janzstraat a topa un sorpresa desagradabel na cas di un bisiña di dje.
El a constata cu tabatin un choller den parcela 12 y naturalmente el a hala e homber aki su atencion pa core cu ne for di e sitio. Mesora el a dicidi di bati alarma na polis y a pone e doño di e cas na altura di loke a pasa. E propietario a logra yega basta lihe. Danki na e bisiña atento a evita cu e adicto ambulante a bay cu algo for di e cas.
