Gobierno di Aruba a encarga SVb pa ehecuta e programa di loonsubsidie. E programa aki ta diseña pa Ministerio di Finansas, Economia y Cultura, di cual SVb ta practicamente cla cu e prome parti. Esaki ta e parti di pago na companianan cu a haya peticion di loonsubsidie. SVb a paga diasabra un tag di compania y loke a keda ta companianan paga pero tin problema bancario y e placa a bin bek.
Ing. Edwin Jacobs, director di SVb ta pidi e companianan cu no a ricibi nan loonsubsidie pa tuma contacto cu nan, pa mira unda e problema ta pasobra nan mester a ricibi e loonsubsidie. E companianan cu a entrega obhecion pasobra nan no a haya chens di participa, e comision di evaluacion ta evaluando e obhecionnan. E siman aki lo ta biniendo diferente decision, y esnan considera valido, lo ricibi notificacion di e director y tin 2 dia pa aplica.
SVb a invita e dunado di trabou cu a ricibi loonsubsidie pa trahadonan cu no ta den servicio mas of no ta inscribi, mas di 200 trahado cu no ta inscribi of no ta traha mas p’e compania pa debolbe e placa, esaki tambe ta bayendo bon. Ta controlando esaki pa mira cu esaki ta cuadra. Nan lo ta contestando e preguntanan a bin padilanti.
A activa e di dos parti di loonsubsidie cu ta consisti den 2 parti. E prome parti ta control interno, cual gobierno a pone nan encarga cu un programa di cas 49 mil florin. Ta garantisa gobierno cu a uza e placa aki debidamente. E departamento di control interno hunto cu centrale kost di gobierno, ta cuminsa cu e plan di controla e buki di SVb pa confirma e uzo di placa. E di dos trayecto ta cu e subsidio di salario ta yega na e trahado. Un total di 28 mil trahado mediante di e programa di 3600 dunado di trabou a ricibi of lo bay ricibi e loonsubsidio.
Di e placa ricibi, dunado di trabou tin cu kita gastonan di loonbelasting, aov/aww. Tambe tin e 20% cu ta yega 80%, e dunado di trabou ta mira ki palabracion ta yega cu trahado mirando cu e ta duna 20%. Esaki ta un condicion poni pa por a ricibi e fiansa y SVb ta trahando riba dje pa garantisa cu tin palabracion di dunado di trabou y trahado riba e 20%. Ta trahando riba un perfil di riesgo pa cada empresa. Entre 1 di juni pa 15 juni, lo contacta e 3600 dunado di trabou pa haya informacion di loke nan a ricibi y esaki a yega unda mester a yega.
E director di SVb a tuma nota cu gobierno Hulandes a aproba financia pa juni y SVb ta haciendo tur trabou pa mustra cu e subsidio ricibi na mei ta cumpli cu tur rekesito di e regalanan di bon gobernacion. Na e momento aki no tin un pais cu por bisa kico pa spera otro luna. Tur pais a mira cu mester purba pone e economia draai despues di tur nervio di e pandemia cu a bin. Tur cos ta depende di e comportacion di hende. Aruba ta depende di turismo y ta depende si persona ta keda cu nervio pa biaha of no.
