Despues di algun ora di yobida rond di nos isla, a bin tuma nota cu den e area di Celsiustraat, patras di Santana di Gobierno, tin un rooi, cu ta pasa den area di Companashi cu ta causa un problema. Esaki a bini despues di un yobida torencial cu a cay den e bario.
Loke ta sosode tambe ta cu ora cu DOW haci limpi, ta haya un problema cu e sushi ta keda acumula y hasta bisiñanan ta tira sushi den rooi. Y cu e yobida e situacion no ta bira miho, sino pio.
A combersa cu un bisiña kende a conta cu nan ta mantene e rooi limpi y tambe na rand di santana. Siman pasa mes nan a haci e rooi limpi. Sinembargo un bisiña den un otro caya, a corta mata y benta tur e sushi den e mesun rooi aki.
A avisa e bisiña aki, pero e no a haci caso. Esaki naturalmente ta stroba e fluho di e awa. Apesar di esaki, no a yama autoridad.
Loke e bisiña a pidi ta pa e departamento concerni bin coy e sushi y hib’e dump.
